تازه سرليکونه
د (اولياء کرام) نورې ليکنې
تازه سرليکونه
بېلابېلې ليکنې
شیخ عبدالقادر جیلاني ته د شیطان فریب او دوکه
  تعلیم الاسلام
  November 4, 2017
  0

پښتو ژباړه: عزت الله کوټوال / تعلیم الاسلام ویب پاڼه

 

يوه ورځ له اسمانه ناګهانه غږ وشو يا عبدالقادر جیلاني تا ته ستا د ډیر عبادت او ریاضت په وجه بخنه وشوه، اوس نو ستا خپله خوښه ده که نور عبادت کوې او که نه.

 

کله چې ده رحمه الله  دغه اواز واورید نو د قرآن مجید دغه ایات یې مخ ته شو: " وَاعْبُدْ رَبَّكَ حَتَّىٰ يَأْتِيَكَ الْيَقِينُ " سورة حجرات ایات (۹۹)

یعني الله جل جلاله رسول الله صلی الله علیه وسلم ته فرمایلي:
یاحبیبه تر هغه وخته زما عبادت کوه ترڅو چې مرګ درته راشي او وفات شې.

 

شیخ صیب وویل د الله پاک رسول صلی الله علیه وسلم ته تر مرګه د عبادت حکم شوی او ماته اوس داخبره کیږي، حقیقت کې داشیطان ملعون دی، چې مادوکه کول غواړي.

 

سم دلاسه ېئ ( أعوذ بالله من الشیطان الرجیم) وویل، اسمان ته يې چې وکتل یو سره لوخړه ( لمبه ) پورته لاړا او ختمه شوه.


په دغه وخت شیطان بیا غږ وکړ شیخه په علم رانه بچ شوې ورنه اوس به ګمراه شوی وی.

 

شیخ وویل:  " لاحول ولاقوة الابالله "

د خدای په فضل درڅخه بچ شوم ، ملعونه .

 

دې ویلو سره  د ابلیس دوهمې دوکې هم کار ونه کړ او ذلیله لاړ.

ماخذ: ( تعلم الدین ، صفحه ۸ د حضرت حکیم الامت اشرف علي تهانوي رحمةالله علیه)

 

شیطان چې له کومه وخت ملعون شوی نو له هغه وخته يې قسم کړی چې د انسانانو دګمراه کولو لپاره به له مختلفو لارو راځي او د دوې د ګمراه کولو لپاره به په هره لار کې کیني او د دوکې او وسوسې جالونه به ورته خوره وي، خو شیطان خپله د هغه خلکو چې د الله جل جلاله نیک بندګان دي استثناء کړې.

 

" قَالَ فَاخْرُجْ مِنْهَا فَإِنَّكَ رَجِيمٌ " [سُوۡرَةُ الحِجر : ۳۴]

پروردګار وفرمايل: ښه ده، ته له دې ځايه وځه،  ځكه چې ته رټل شوى یې.

 

" وَإِنَّ عَلَيْكَ اللَّعْنَةَ إِلٰى يَوْمِ الدِّينِ "

او اوس د جزا تر ورځې پورې پر تا لعنت دى.

 

" قَالَ رَبِّ فَأَنظِرْنِىٓ إِلٰى يَوْمِ يُبْعَثُونَ "

هغه عرض وکړ: "زما پروردګاره! چې دا خبره ده، نو ته ما ته تر هغې ورځې پورې مهلت راکړه چې ټول انسانان دوهم ځل راپاڅول شي.

 

" قَالَ فَإِنَّكَ مِنَ الْمُنظَرِينَ "

(الله جل جلاله) وفرمايل:  ښه ده ، تا ته تر هغې ورځې پورې مهلت دى.

 

" إِلٰى يَوْمِ الْوَقْتِ الْمَعْلُومِ "

چې د هغې وخت موږ ته معلوم دى.

 

" قَالَ رَبِّ بِمَآ أَغْوَيْتَنِى لَأُزَيِّنَنَّ لَهُمْ فِى الْأَرْضِ وَلَأُغْوِيَنَّهُمْ أَجْمَعِينَ "

هغه وويل: "زما پروردګاره!  څنګه چې تا زه بې لارې کړم، په هماغه شان به اوس زه په ځمکه کې د دوى لپاره د غولوونكو وسايلو په وړاندې كولو، دوى ټول بې لارې کړم.

 

" إِلَّا عِبَادَكَ مِنْهُمُ الْمُخْلَصِينَ " [سُوۡرَةُ الحِجر : ۴۰]

پرته ستا له هغو بندګانو څخه چې تا له دوى څخه خالص کړي وي.

 

د شیخ عبدالقادر جیلاني وعظ خپل خلیفه ته
د شیخ عبدالقادر جیلاني (رح) څو ویناوي

سرته