لیکنه: مولوي نورالحق مظهري/ تعلیم الاسلام ویب پاڼه
پندونه او نصيحتونه
۱ ـ که دي د ځان د ښه توب ثابتولو لپاره نور خلګ تورن کول نو پوه سه چي ډېر سپک انسان يې.
۲ ـ که دي خپله کاميابي د نورو مسلمانانو په ناکامۍ کي ليدل نو پوه سه چي ډېر ناپوه او سرټمبه يې.
۳ ـ که دي د بل مسلمان په نسبت بې تحقيقه خبره منل نو پوه سه چي مسلماني دي کامله نده.
۴ ـ که دي پر ناحقه د کوم مسلمان څخه کرکه کول يا دي د هغه څخه بد وړل نو پوه سه چي د تقوی او پرهيزګارۍ څخه خلاص يې.
۵ ـ که دي په پټو سترګو د بل چا په خاطر د يو مسلمان څخه بد وړل نو پوه سه چي ډېر بې فکره او بې احساسه انسان يې.
۶ ـ که دي د شايعاتو پر اساس پر اسلامي نظام په سرناخلاصۍ نيوکي کولې نو پوه سه چي سياسي بصيرت نلرې او په مصلحتونو نه يې خبر.
۷ ـ که دي د مسلمانه سره خوابدتيا تر درو ورځو ډېره سوه خو تا يې د ختمولو هيڅ هڅه ونکړه نو پوه سه چي د رسول الله صلی الله عليه وسلم د لارښوونو څخه بې لاري سوی يې.
۸ ـ که تر نورو مسلمانانو ځان در ته غټ معلومېدی يا دي نورو مسلمانانو ته په سپکه کتل نو پوه سه چي د تکبر په ناروغۍ اخته سوی يې او د حديث په حواله د جنت څخه محروم يې.
۹ ـ که دي تر هر چا ځان پوه ګڼی نو پوه سه چي تر هر چا ناپوه يې.
۱۰ ـ که دي د مسلمان لپاره داسي ژوند خوښوی چي د ځان لپاره يې نه خوښوې نو پوه سه چي نيمګړی مسلمان يې.
www.taleemulislam.net
