تازه سرليکونه
د (اړين پوستکالې) نورې ليکنې
تازه سرليکونه
بېلابېلې ليکنې
د مکتبه شاملې زده کړه
  تعلیم الاسلام
  July 31, 2017
  0

 چمتوکوونکی : محمد اسماعيل ''مخلص''

 سرچینه: تعلیم الاسلام ویب پاڼه

دا چي کمپيوټر په اوسنۍ نړۍ کي دکوموکارونو وړتیا لري ؟

دا سوال بې ځوابه پاتيږ ي ، ځکه کمپيوټر په اوسني عصرکي د زياتوکارونو د ښه او پوره کار کولو بشپړه وړتيا لري ، د نورو ګټو څخه به يې په بل وخت کي بحث وکړو نن به د کمپيوټر دا ګټه درته وښيو چي په ډيره آساني سره د زرګونو کتابونو څخه د استفادې وسيله ده ؛ د ديني کتابونو داسي ذخیره پکښي ايښوول کيدای سي چي په لسګونو دقرآن عظيم الشان تفسيرونه ، په لسګونو دعلوم القرآن معتمدکتابونه ، په لسګونو د احاديثو کتابونه چي صحاح سته هم په کښي دي ، په لسګونو د احاديثو شرحي ، په لسګونو د حنفي فقهي او حتی دڅلورو مذاهبو معتمد اومشهور کتابونه په کښې دي ، او دا هم بايد ووايو چي په لسګونو د اصول الفقهي کتابونه ، په لسګونو دصرف او نحوي کتابونه ، په لسګونو د تجوید او قرائت کتابونه ،همداسي د تاريخ او سيرت کتابونه او نورچي د ټولو رانیول او لاس ته راوړل سخت اوحتی غیر ممکن کار دی ، خو د کمپيوټر له لاري ددغو کتابونو مطالعه کول او په خپلو ليکنو کي ورڅخه استفاده کول ډیر اسانه او په زړه پوري کار دی ، او دبلي خوا د زياتو کتابونو انتقال آسانه کار نه دئ ، خو د کمپيوټر انتقال آسانه کاردی ، او که ددې کتابونوڅخه کوم کتاب مطالعه کول وغواړي په ډیره اساني يې په کښي پیداکولای او مطالعه کولای سي ، او که دکوم آیت يوه برخه په البحث کي ورکړه سي او قرآن کريم انتخاب سي د څو ثانيو په وخت کي يې پيداکوي ، که د حديث یوه برخه په البحث کی ورکړه سي او د احاديثو يو کتاب انتخاب سي په ډيره آساني يې پيدا کولای سي او داسي نور ، او که وغواړي چي هغه پرنټ سي نو په اسانۍ سره هغه Word  ته کاپي کیدای سي او هم تغير يا تبديل پکښي راوستلای سي ، او هم مکمل کتاب يا زيات کتابونه ورډ ته کاپي يا تصديرولای سئ .
 
د اسلام د دين محترم علماء کرام ددې مکتبې څخه چي کتابونه يې په عربي ژبه دي  ، ښه او لازمه استفاده کولای سي نو ښه خبره داده چي د کمپيوټر سره اشنايې پیداکړي او هغه ديني علماء چي د کمپيوټر سره اشنا دي ددې مکتبې څخه دي استفاده وکړي .      
         
ألمکتبة الشاملة پدې ترتيب کمپيوټر ته کاپي کيږي :
 
 د ألمکتبة الشاملة فايل به د DVD   څخه چي مقدار يې ۳.۴۶ GB  دئ  د C Drive   څخه بغير په بل Drive کي کاپي کړئ ، وروسته به DVD  د کمپيوټر څخه وباسئ ، او پر کاپي سوي فايل به راسته کليک وکړئ د Open  پر نښه به کليک وکړئ چي د استخراج يا Extract  عمليه شروع کيږي ، او د Shamila  پنامه فولډر جوړيږي هغه ته د مکتبې محتویات استخراج اوکاپي کيږي ، تقريباً تر دوو ساعتونو انتظار وکړئ ، کله چي عمليه خلاصه سوه کمپيوټر به  Re start کړئ ، نوی فايل به د تقريباً  GB ۱۵.۶ په اندازه وي هغه به Open کړئ څو فولډرونه په کښي سته  د bin  پنامه فولډر به Open  کړئ  ژړ رنګ   د خلاص کتاب شکله icon   د   Shamila په نامه دی پر هغه به راسته کليک وکړئ او Send to desk top کمانډ به ورکړئ د هغه کاپي ډيسک ټاپ ته راځي ، وروسته به د کنترول پینل له لاري Region and language  ،Open  كړئ تر دې وروسته به Administrative  ،  Open کړئ ، ترهغه وروسته به System locale   change کلیک کړئ او Saudi Arabia  به انتخاب او  ok  کړئ کمپيوټر  Re start کيږي نور نو د مكتبې څخه استفاده كولاى سئ انشاء الله . ...نور بيا!!
 
 
 
 
 
 
 
 
 
 دوهمه برخه
 
 درنو لوستونکو ! په تېره ګڼه کي مو د مکتبة الشاملې د پروګرام د انسټالولو طريقه در وښودل، په دې ګڼه کي به تاسو ته په مکتبة الشامله  کي د کتاب راخلاصولو او په هغه کي د يوه متن دپلټلو لار در وښيو، دمکتبې په مينيوګانو کي د       مينيو له لاري کولای سو چي په مکتبه کي موجود کتابونه ووينو او  راخلاص يې کړو، نوموړې مينيو  خلاصوو ، په هغه کي په     باندي  کليک کوو او خپل دخوښي کتاب  د تفاسيرو ،  احاديثو ، فقهي ،،سيرت ، تاريخ او داسي نورو فولډرونو څخه انتخاب او خلاصولای سو .
 
ځيني وخت ددې ضرورت ليدل کيږي چي په يوه کتاب کي يو متن وپلټل سي ، مکتبة الشاملة دا ضرورت رفع کړی دی . موږ کولای سي يو متن ډېر په اسانی سره د عمومي بحث     له لاري     په يوه يا زيا تو کتابونو کي وپلټو،
 
مثلا:غواړو چي د (انما الاعمال بالنيات ) حديث پوره متن داحاديثو په کتابونو کي پيدا کړو ، ددې لپاره لاندي شکل ته متوجه سئ !
 
 
۱ : دلته متن ليکو.
۲ : داحاديثو فولډر انتخابوو. 
۳ : د دغه بټن په توسط د فولډر ټوله کتابونه انتخابيږي.
۴ : که  غواړو په يوه مشخض کتاب کي متن پیداکړ هغه دلته ورته انتخابېږي 
۵ : دپورته ټولو عمليو وروسته دغه بټن کليک کوو تر څو زموږ مطلوب متن راته پيدا کړي.
 
ماخذ: تعلیم الاسلام مجله، ۱۱ او ۱۲ ګڼه
----------------------------------------------------
یادونه: تاسو کولای سی مکتبة الشاملة  ډاونلوډ کړئ، دلته کلیک وکړئ: شاملة

سرته