د قران کریم د تلاوت ثواب
لیکنه : نصیب الله / تعلیم الاسلام ویب پاڼه
عن عبدالله بن مسعود(رضي الله عنه) قال : قال نبی (صلی الله عليه وسلم) :” من قرأ حرف من کتاب الله فله به حسنة والحسنة بعشرامثالها لاأقول الم حرف ولکن ألف حرف ولام حرف ومیم حرف “ (ترمذي /۲۹۱۰)
ژباړه : عبدالله بن مسعود (رضي الله عنه) وايي: چي رسول الله (صلی الله عليه وسلم) وفرمایل : چا چې د قرانکریم یوحرف ولوست ، نو الله تعالی به ورته ددې حرف په مقابل کي یوه نیکي ورکوي اویوه نیکي به په لس چنده وي ، او زه دا نه وایم ، چې ألم یوحرف دی ، بلکې الف یوحرف دی ، لام بل حرف دی ، او میم بل حرف دی.
تشریح : نبي (صلی الله عليه وسلم) دلته په داسې کلیمو د اجر او ثواب ورکولو وعده کړې ، چې په معنا یې څوک نه پوهیږي ، نوله دې معلومیږي چي یوازي په تلاوت کولو هم الله تعالی خپل مسلمان بنده ته اجراو ثواب ورکوي د قرانکریم مینه وال اوعاشقان هغه خلګ دي ، چې تلاوت یې کوي په معنا یې ځانونه پوهوي .
د ژوند لاري چاري دقرانکریم په لارښوونه پرمخ بیایي اوپه خپل ژوند کي د قرانکریم له امرونو سرغړونه نه کوي اوټوله هڅه یې دا وي، چي په ژوندکي به زه د قرانکریم امرونه منم ، ددې لپاره چي په آخرت کي راته همدا قرانکریم شفیع وګرځي.
ماخذ : محمدي ملغلري
