تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
روژه او صله رحمي
  تعلیم الاسلام ویب پاڼه
  April 17, 2021
  0

روژه او صله رحمي


ژباړه او زیادت: مولوی نورالحق مظهری/تعلیم الاسلام ویب پاڼه


ای روژاتيانو! هر وخت صله رحمي وکړئ خو د روژې په مبارکه مياشت کي بيا ځانګړې او ډېره صله رحمي وکړئ! د صله رحمي وصل کول او مراعات کول د هر مسلمان مسئوليت دی الله جل جلاله فرمايي:وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ.[النساء: الآية 1] 


ژباړه: د هغه الله څخه ووېريږئ چي په نامه يې تاسو سوال کوی او د صله رحمي د پرې کولو څخه ووېريږئ!


همدا راز رسول الله صلي الله عليه وسلم فرمايي: لا يدخل الجنة قاطع.[ متفق عليه] 


ژباړه: جنت ته هغه څوک نه داخليږي چي صله رحمي پرې کوي.


همدا راز رسول الله صلي الله عليه وسلم فرمايي:من سره أن يبسط له في رزقه وينسأ له في أثره فليصل رحمه. [متفق عليه] 


ژباړه: څوک چي غواړي په رزق کي يې پيراخي راسي او عمر يې ډېر سي نو صله رحمي دي وصل کړي.

 

د صله رحمي ګټي او فايدې:

 

۱ - صله رحمي پر الله او ورځي د آخرت د ايمان راوړلو شعار دی.


۲ - صله رحمي د رزق د پیراخ والي او د عمر د اوږدوالي سبب دی.


۳ - د صله رحمي په مراعات کولو باندي انسان د الله پاک د رحمت مستحق ګرځي.

 

۴ - صله رحمي جنت ته د داخلېدلو د اسبابو څخه لوی سبب دی.


۵ - په صله رحمي باندي د انسان ګناهونه خرابيږي.


۶ - په صله رحمي باندي کلي او ښارونه آباديږي.


۷ - په صله رحمي باندي د إنسان خاتمه سميږي.


۸ - په صله رحمي باندي د مراعات کوونکي مرتبه لويږي اوعزت يې ډېريږي.


۹ - په صله رحمي باندي د انسان لپاره ښه نوم پاتيږي.


۱۰ - په صله رحمي باندي محبت ډېريږي او عاميږي.


۱۱ - صله رحمي هغه شی دی چي  ټولو اسماني آديانو يې پر اهميت اتفاق کړی دی.


۱۲ - صله رحمي د انساني فطرت تقاضا ده.


۱۳ - صله رحمي د نفس پر سخاوت، د سينې پر پيراخ والي، د خلقت پر ښه والي او پرحسن وفاء باندي دلالت کوونکې ده. 

 

صله رحمي څه شی ده؟


صله رحمي و دېته وايي چي انسان د خپلو خپلوانو سره، تفاوت نه لري که د نسب له خوا خپلوان وي او که د دوستۍ او نکاح په سبب خپلوان وي احسان او نيکي وکړي او ددوی سره دوستانه او صميمي رابطه ټينګه وساتي.

 

صله رحمي پدې باندي کيږي چي: 


۱ -  انسان د خپلو خپلوانو ملاقات او زيارت ته ولاړسي.


۲ - د دوی د احوالو پوښتنه وکړي.

 

۳ - دوی ته سوغات او ډالۍ ورکړي.

 

۴ - د ضرورت په وخت کي د دوی څخه يو شی وغواړي.


۵ - د دوی مسکين او اړ انسان ته صدقه او خيرات ورکړي.


۶ - د مشرانو او سرمايه دارانو سره يې نرمي وکړي.


۷ - د لويانو احترام يې وکړي.

 

۸ - او پر کشرانو يې شفقت او مهرباني وکړي.

 

منبع: تحف رمضانیة

 

www.taleemulislam.net

سرته