ژباړه او زیاتونه: نوراحمد قران مل/ تعلیم الاسلام ویب پاڼه  

د رمضان المبارک د لسمي مهمي پيښي

• په دې ورځ  د هجرت څخه درې کاله تر مخه ام المؤمنین د یثرب یا مدینې منورې پر لور حرکت وکړئ، هغه د مکې مکرمې په جنت معلي هدیره کي دفن ده. 

• د هجرت په اتم کال دې ورځ د حضرت محمد صلی الله علیه وسلم په مشرې د مکې د فتحي کاروان له مدینې منورې د مکې مکرمې پر لور حرکت وکړ.

• د رمضان د مبارکي میاشتې په دې ورځ چي د ۷۵۰ میلادی کال د اپریل د میاشتې د دوه ویشتمې نیټې سره سمون خوري، عبدالله بن علی دمشق ته راغلی او په ختیځه دروازه کي ودریدئ. د هغه ورور صالح د الجبیعه دروازې ته ورننوتی. د دې تر څنګ  ابو عون باب کیسان، حمید بن قحطابه باب توما، بسام  باب الصغیر، عبد الصمدیحیی بن صفوان او عباس بن یزید باب الفرادیس، دروازې ونیولې او د اوسنۍ پلازمینه «دمشق» ښار یې محاصره او د چهار شنبې په ورځ ونیوئ. 

• د روژې د مبارکي میاشتي په دې ورځ وزیر ابو علي الحسن علي بن اسحاق چي په نظام الملک مشهور وو، د اسلامي تاریخ یو تر ټولو مشهور وزیر وفات سو.

• د روژې د مبارکي میاشتي په دې ورځ، تیموجین بن عیسی بهادر چي په «چنګیز خان» مشهور او د مغولي امپراتورۍ بنسټ ایښوونکی او د بشریت په تاریخ کي یو له ظالمو یرغلګرو څخه وو، مړ سو او داسي قتل عام یې وکړ چي په تاریخ کي ځانګړی ځای لري. 

• د ۶۴۸ هجري قمري کال د رمضان په لسمه نېټه، چي د ۱۲۵۰ هجري قمري کال سره سمون خوري، شجرة الدر (د پاچا صالح مېرمن) د منصوره په جګړه کي د لوئیس نهم په لاس فتحه سوه، چي هغه ونیول شو او ګڼ شمېر پوځیان یې ووژل سول.

• د روژې د مبارکي میاشتي په دې ورځ د عربي خلیج په هرمز تنګي کي د عثماني او پرتګالي بیړیو تر منځ سخته سمندري جګړه پیل سوه، چي ۱۸ ساعته یې بې له ځنډه دوام وکړ وروسته یوه خوا هم پر بریالیتوب موفقه نسوه.  

• د روژې د مبارکي میاشتې په دې ورځ، عالم او فقیه شیخ عبدالوهاب الحافظ چي په «اور او اورلګیت» ملقب وو، په دمشق کي وفات سو، شیخ عبدالوهاب په ۱۸۹۳ میلادي کال کي د دمشق په العقبه سیمه کي زیږیدلی دی. هغه د خپل پلار، د لوی حافظ شیخ عبدالرحیم تر څارني لاندي لوی سوی، چي سلسله یې له شیخ عبدالقادر الجیلاني سره پای ته رسیږي.

www.taleemulislam.net