تازه سرليکونه
د (نبوي سیرت) نورې ليکنې
تازه سرليکونه
بېلابېلې ليکنې
د رسول الله ص رضعي خور شيماء بنت الحارث
  تعلیم الاسلام ویب پاڼه
  March 15, 2021
  0

د رسول الله  صلی الله علیه وسلم  رضعي خور شيماء بنت الحارث


لیکنه: مولوي عنایت الله علمي / تعلیم الاسلام ویب پاڼه


 د مخه تر دې چي انسانان او حيوانات جعُرانې ته بوتلل سي د بنديانو څخه يوه ښځه نارې وهي، يوه سپين سرې ښځه ده چي تقريبًا اويا کاله يې عمر دى وايي: ما پرېږدى زه ستاسي د نبي خور يم، زه ستاسي د ملګري خور يم، صحابۀ کرامو ويل:

 

زموږ ملګرى رسول الله صلی الله علیه وسلم  خور نه لري موږ د هغه د خور نه دي اورېدلي، خو ښځه ټينګه ده وايي: تاسي ما ور ولى، د دې د ډيرو زاريو په سبب يې د بنديانو د ځايه څخه را وايستل او رسول الله صلی الله علیه وسلم  ته يې ور وستل او ويل:

 

يا رسولَ الله! دغه ښځه دعوه کوي چي زه ستا خور يم، رسول الله صلی الله علیه وسلم  و ښځي ته و ويل: څوک يې؟ ويل:  شيماء بنت الحارث د حليمۀ سعديه لور، دغه شيماء د رسول الله صلی الله علیه وسلم  رضعي يا د تي رودلو خور وه، رسول الله صلی الله علیه وسلم  چي کوچنئ او په بني سعد کي ؤ د دغي شيماء عمر اووه کاله ؤ او دې د خپلي مور سره د رسول الله صلی الله علیه وسلم  روزنه کول او دې به رسول الله صلی الله علیه وسلم  په شا او غېږ کي ګرځاوه، رسول الله صلی الله علیه وسلم  نه و پيژندل او ښايي هره ښځه دغه دعوه وکړي چي زه ستا خور يم نو رسول الله صلی الله علیه وسلم  و فرمايل:

څه علامه او نښاني لرې چي هغه دا ثابته کړي چي ته زما خور يې؟ شيماء و ويل: نښاني مي زما پر اوږه ستا  غاښ دى، کوم وخت چي ما ته په شا ګرځولې پر اوږه دي غاښ را ولګاوه، رسول الله صلی الله علیه وسلم  و فرمايل: صدقتِ، چي دغه دي هم په ياد دي او راته و دي ويل نو ته شيماء او زما خور يې، رسول الله صلی الله علیه وسلم  خپل پټو ورته آوارکړی او دا يې پرکښېنول د دې عزت يې وکړی هِديې او تُحفې يې ورکړې او دا هم مسلمانه سوه. 


څرنګه شيماء د بني سعد د قبيلې وه او خلکو وليده چي د رسول الله صلی الله علیه وسلم  خور د بني سعد د قبيلې څخه ده نو ټول هغه بنديان چي د بني سعد د قبيلې څخه وه د رسول الله صلی الله علیه وسلم  د عزت دپاره يې ايله کړه او بيا رسول الله صلی الله علیه وسلم  شيماء ته و ويل: زما سره ځې او که بيرته خپل قوم ته ځې؟ څرنګه چي شيماء سپين سرې وه د خپل قوم او قبيلې سره يې عادت درلودى ويل: خپل قوم ته ځم، نو رسول الله صلی الله علیه وسلم  شيماء ته تُحفې او هديې ورکړې او دا خپل قوم ته مسلمانه او په عزت سره ولاړل، دا د رسول صلی الله علیه وسلم   د رضعي خور شيماء بنت الحارث قصه وه  چي د حليمۀ سعديه لور وه.


ان شاءالله نور بیا....

 

ماخذ: د سرورِ کائنات صلی الله علیه وسلم ژوند

 

www.taleemulislam.net

سرته