تازه سرليکونه
د (مقارنة الاديان) نورې ليکنې
تازه سرليکونه
بېلابېلې ليکنې
راهب: زموږ د حماقت په وجه به ټول مسلمانان سي
  تعلیم الاسلام
  January 15, 2017
  0

  لیکنه: نوید احمد / تعلیم الاسلام ویب پاڼه ۲۳/۱۰/۱۳۹۵

 
د کاتولیک کلیسا یوه مشهور راهب (کارلو لیبراټي) خپلو پیروانو ته اخطار ورکړی دی چي ایټالیا به ډير ژر زموږ د حکومت د حماقت په وجه په اسلامي نظام بدل سي.
 
د عیسایانو په مشهور او مرکزي ښار روم کي یوه عیسايي راهب خپلو پیروانو ته ویلي دي چي: زموږ د حماقت په وجه به د روم ټول وګړي مسلمانان سي!
 
نوموړي وویل چي د مسلمانان د شمېر زیاتیدو، د عیسايي دین څخه د مخ اړولو، سیکولرزم اختیارولو او کلیسا ته د وخت نه ورکولو په وجه به اسلام په اروپا کي تر ټولو ادیانو مخ ته سي.
 
وروسته وايي: " زموږ د حماقت په وجه به په راتلونکي لسو کالو کي تاسو ټول مسلمانان یاست ځکه ایټالیا او اروپا مشرکانه او ملحدانه ډول ژوند کوي. دغه ډول کړني د اسلام په ګټه تمامیږي. موږ ډیر کمزوري عقیده لرونکي عیسایان یو، کلیسا نن سبا سم فعالیت نه کوي، غونډي او جلسې يې د خلګو څخه خالي وي.
 
مسلمانان اولادونه لري خو موږ یې نلرو، موږ مخ پر زوال یو او دا ټول د اسلام په ګټه تمامیږي."
 
نوموړي راهب په خپله وینا کي وویل: زه یو راهب یم، که نه وای نو ما به پر چوکو لاریونونه کولای.
 
د یادوني وړ ده چي په ۱۹۷۰ کي ۲۰۰۰ مسلمانان په ایټالیا کي اوسیدل خو اوس تر ۲ میلونه زیات سوي دي.
 
اسلام الحمدلله په درسته نړۍ کي ورځ تر بلي زیات شمېر غیرمسلمانان جلبوي چي په راتلونکو څو لسیزو کي به اسلام د نړۍ تر ټولو زیات شمېر لرونکی دین وګرځي.
 

سرته