لیکنه او څېړنه: عبدالغفار جُبیر/ تعلیم الاسلام ویب پاڼه 

موسیقي په اسلام او ساینس کي

(۳۳) 

په هندوستان کي انکار حدیث

منکر احادیث غلام احمد پرویز پر قرآنکریم هم ایمان نلري چي راغلي دي (عیسی ابن مریم) او په سورت مریم ایاتونه (۲۰ – ۳۳)کي د حضرت عیسی علیه السلام پر پیدایښت بلکي اوسني تحریف سوي انجیلونه مني (العیاذ بالله)، په قرآنکریم کي په صریح الفاظو راغلي دي و بې بې مریم رضی الله عنها ته حضرت جبرائیل علیه السلام وویل:  (قَالَ إِنَّمَآ أَنَا رَسُولُ رَبِّكِ لِأَهَبَ لَكِ غُلَٰمً زَكِيًّا. سورت مریم: ۱۹) 

ژباړه: هغه وویل: زه ستا د پروردګار استازی یم او ددې لپاره رالېږلی سوی یم چي تاته یو سپېڅلی هلک درکړم.

بې بې مریم رضی الله عنها ورته وویل:  قَالَتْ أَنَّىٰ يَكُونُ لِى غُلَٰمٌ وَلَمْ يَمْسَسْنِى بَشَرٌ وَلَمْ أَكُ بَغِيًّا . سورت مریم: ۲۰)

ژباړه: مریم وویل: زما به څنګه هلک وشي چي کله زه کوم بشر لمس کړې نه یم (نکاح مي نه ده سوې) او نه زه کومه بدکاره ښځه یم.

بیا حضرت جبرائیل علیه السلام ورته جواب ورکړ: قَالَ كَذَٰلِكِ قَالَ رَبُّكِ هُوَ عَلَىَّ هَيِّنٌ وَلِنَجْعَلَهُۥٓ ءَايَةً لِّلنَّاسِ وَرَحْمَةً مِّنَّا  وَكَانَ أَمْرًا مَّقْضِيّا. سورت مریم: ۲۱)

ژباړه: پرښتې وویل: همداسي به کیږي ستا رب فرمايي: چي دغسي کول ماته ډېر اسانه دي او موږ به داددې لپاره وکړو چي هغه هلک (عیسی) د خلکو لپاره یوه نښانه شي او زموږ له لوري یو رحمت او دا کار سرته رسېدونکی دئ.

وروسته حضرت جبرائیل علیه السلام د بې بې مریم رضی الله عنها په ګریبان کي پوک کړل چي دستی بل ایات راځي چي بې بې مریم حامله سوه. فَحَمَلَتْهُ فَٱنتَبَذَتْ بِهِۦ مَكَانًا قَصِيًّا. (سورت مریم: ۲۲)

ژباړه: مریم ددغه ماشوم (عیسی) امیدواره شوه او هغه له دې امیدوارۍ سره یو لیري ځایته ولاړه.

 که انجیلو ته راسو نو حضرت عیسی علیه السلام څلور پلرونه لري:

-حضرت عیسی علیه السلام دیوسف زوی دی. (انجیل متی ۱:۱۶)

- حضرت عیسی علیه السلام دخدای زوی دی. (انجیل مرقوس ۱:۱)

- حضرت عیسی علیه السلام د داؤد زوی دی. (انجیل متی ۱: ۱)

- حضرت عیسی علیه السلام دابراهیم زوی دی .(انجیل متی ۱:۱)

د منکرین احادیث اخري نتیجه کفر او ارتداد دی، دوی په خوله وايي چي موږ احادیث نه منو بلکي له قرآنکریم هم منکره دي دا یې یو ساده مثال.

۱۳: د حضرت عیسی علیه السلام ژوند په قرآن کي نسته بلکي دده وفات په صراحت سره ذکر سوی دئ.

په قرآنکریم کي راځي: وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ مِنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِينًا ﴿سورت النسآء: ۱۵۷﴾

ژباړه: او له دې امله چي پخپله یې وویل چي موږ د الله پېغمبر مسیح عیسی ع د مریم زوی وژلی دی، حال داچي د واقعیت له مخي هغو نه هغه وژلی او نه یې په دار ځړولی دی.

خو منکر احادیث غلام احمد پرویز بیا پر اوسني د انسانانو په لاسونو پر لیکل سوو انجیلونو باندي باور لري خو پر قرآنکریم یې نلري، په اوسني تحریف سوي انجیلونو کي د حضرت عیسی علیه السلا د صلیب او مرګ په هکله پوره بیان راغلی دی:

د عیسایانو په اوسني تحریف سوي انجیلونو کي د حضرت عیسی علیه السلام د مرګ بیان پوره سوی دی لکه چي راغلي دي:

د غرمې وروسته تر ناوخته ماپښین پوري په ټول ملک کښې توره تیاره شوه او په ماپښین کي عیسی په لوړ اواز نعرې کړې: ایلی! ایلی! لما شبقتنی! ای زما خدایه ای زما خدایه زه دي ولي پرېښودلم؟!

په ولاړو خلکو کښي چي ځینو دا واورېدل نو وې ویل چي دی اوس الیاس ته نعرې وهي، په هغو کښي یو سمدستي منډه کړه او یو اسفنج یې را واخستی او په سرکه کښي یې ډوب کړ او د نل په سر کښي یې د هغه په شونډو کښېود، خو نورو وویل چي تماشه کوی چي الیاس دده د خلاصولو لپاره راځي او که نه. 

عیسی بیا یوه لوړه چيغه وکړه او ساه یې ورکړه. (انجیل متی باب: ۲۷، ۴۵- ۵۰، انجیل مرقوس: باب: ۱۵، ۳۳- ۴۱، انجیل لوقا: باب: ۲۳، ۴۴- ۴۹، انجیل یوحنا: باب: ۱۹، ۲۸- ۳۰)

همداسي په اوسني تحریف سوي انجیلونو کي پر سیدنا حضرت عیسی علیه السلام باندي ټوکي کول، بیا په دار خېږول، بیا وژل او بیا ښخول دا هر څه راغلي دي.

۱۴: زه د حضرت محمد ﷺ جسماني معراج نه منم او نه دا امکان لري. (مقام حدیث: ج: ۲، ص: ۳۱۱، طلوع اسلام ص: ۴۴، اکتوبر : ۱۹۵۰)
علاوه له دې څخه چي د معراج بیان په صحیحو احادیثو کي راغلی خو پرویز صاحب د قرآنکریم د مبارک ایات څخه هم منکره دی، په قرآنکریم کي راځي: سُبْحَٰنَ ٱلَّذِىٓ أَسْرَىٰ بِعَبْدِهِۦ لَيْلًا مِّنَ ٱلْمَسْجِدِ ٱلْحَرَامِ إِلَى ٱلْمَسْجِدِ ٱلْأَقْصَا ٱلَّذِى بَٰرَكْنَا حَوْلَهُۥ لِنُرِيَهُۥ مِنْ ءَايَٰتِنَآ ۚ إِنَّهُۥ هُوَ ٱلسَّمِيعُ ٱلْبَصِيرُ. (سورت الاسراء: ۱)

ژباړه: هغه ذات پاک دی چي یوه شپه یې خپل بنده له مسجد حرام څخه تر اقصی مسجد پوري بوتلئ د هغه (محمد ص) چاپیریال مو برکتي کړیدی چي خپل ځیني نښاني به وګورو (وښیو) په حقیقت کي هماغه (الله) د هر څخه اورېدونکی او لیدونکی دی.

نوربیا...

www.taleemulislam.net