تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
په روژه كښي د دغه امت لپاره پنځه انعامونه
  تعلیم الاسلام ویب پاڼه
  April 19, 2021
  0

په روژه كښي د دغه امت لپاره پنځه انعامونه:

تعلیم الاسلام ویب پاڼه


 الله تعالى د روژې په مبارکه مياشت کښي دغه امت ته پنځه انعامونه ورکړي دي چي مخكي هيڅ يو امت ته نه وه ورکول سي، او هغه پنځه انعامونه د حضرت ابوهريرة (رضي الله عنه) په دغه روايت کښي د نبي کريم (صلی الله عليه وسلم) څخه نقل سوي دى:


(و روي عن ابي هريرة (رضي الله عنه) قال: قال رسول الله (صلی الله عليه وسلم) : اعطيت امتي خمس خصال في رمضان لم تعطهن امة قبلهم: خلوف فم الصائم اطيب عند الله من ريح المسک، و تستغفر لهم الحيتان حتى يفطروا، و يزين الله عزوجل کل يوم جنته،  ثم يقول: يوشک عبادي الصالحون ان يلقوا عنهم المئونة و يصيرو اليک، و تصفد فيه مردة الشياطين فلا يخلصوا فيه الى ما کانوا يخلصون اليه في غيره، و يغفر لهم في آخر ليلة. قيل: يا رسول الله ا هي ليلة القدر؟ قال: لا، و لکن العامل انما يوفى اجره اذا قضى عمله .(الترغيب والترهيب  صــ ٩١ ج ٢.)


ترجمه : او د حضرت ابو هريرة (رضي الله عنه) څخه روايت سوي دي، دي مبارك وايي چي د الله تعالى رسول (صلی الله عليه وسلم) وفرمايل: زما امت ته د روژې په مياشت كښي پنځه داسي انعامونه وركول سوي دي چي د دوي څخه وړاندي بل چا ته نه وه وركول سوي:


۱. د روژه نيونكي د خولې بوى الله تعالى ته د مشک د بوى څخه زيات خوشبويه دى.  


۲: د روژې تر ماتولو پوري ماهيان د هغه دپاره د مغفرت غوښتنه کوي . 


۳: الله تعالى هره ورځ خپل جنت ښائسته کوي او بيا ورته وفرمايي: نژدې دى چي زما نېک بندګان د دنيا مشقتونه د ځان څخه ليري كړي او تا ته  را وګرځي.


۴: په دغه مياشت کي سرکښ شيطانان تړل كيږي نو هغه څه ته چي به دوي مخكي ورخلاصېدل اوس هغه ته نه سي ور خلاصېدلاي.


 ۵: د روژې په اخيري شپه کي روژه نيونكو ته ګناهونه وربخښل کيږي،  صحابه کرامو رضي الله عنهم عرض وکړئ: اې دالله رسوله! ايادغه د مغفرت شپه دقدر شپه ده؟ نبي عليه السلام وفرمايل : نه، مزدور ته د کار پر ختميدو باندي مزدوري ورکول کيږي.


 ماخذ: دروژې فضائل او احكام


www.taleemulislam.net

سرته