هغه درې نفره چي هیڅ نیک عمل یې نه قبلیږی

لیکنه : مولوی نورالحق مظهری / تعلیم الاسلام ویب پاڼه

عَنْ جَابِرٍ قَالَ قَالَ رَسُولُ اللَّهِ -صلى الله عليه وسلم- :ثَلاَثَةٌ لاَ تُقْبَلُ لَهُمْ صَلاَةٌ وَلاَ تَصْعَدُ لَهُمْ حَسَنَةٌ : الْعَبْدُ الآبِقُ حَتَّى يَرْجِعَ إِلَى مَوَالِيهِ فَيَضَعُ يَدَهُ فِى أَيْدِيهِمْ ، وَالْمَرْأَةُ السَّاخِطُ عَلَيْهَا زَوْجُهَا ، وَالسَّكْرَانُ حَتَّى يَصْحُوَ.[البیهقی 1904]

ژباړه: جابر رضی الله فرمایی: رسول الله صلی الله علیه وسلم وویل: درې نفره دي چي لمونځونه یې نه قبلیږی او نیکۍ یې اجابت ته نه پورته کیږي:

۱ – تښتیدلی مریی تر څو چي خپلو بادارانو ته رجوع کوي او خپل لاس  د هغوی په لاس کي ورکوي.

۲ – هغه ښځه چي خاوند یې ورته په خښم وي.

۳ – نیشه انسان تر څو چي جوړیږي.

توضيح: يعني دغه درې نفره ترڅو د خپلو کارونو څخه لاس وانخلي تر هغه وخت پوري یې نه لمونځ قبلیږي اونه یې هم نور نیک کارونه.

√ ـ مریی چي د خپل بادار څخه وتښتي تر څو بیرته خپل بادار ته را ستون نسي تر هغه وخته پوري یې نه لمونځ قبلیږي او نه يې هم بل نیک عمل.

√ ـ ښځه چي تر څو د ځانه څخه خپل خاوند خوشاله نکړي تر هغه وخته پوري یې نه لمونځ قبلیږي او نه يې هم بل نیک عمل قبليږي.

√ ـ څوک چي مست یا نیشه وي تر څو یې مستي او نیشه نوي ختمه سوې تر هغه وخته یې نه لمونځ قبلیږی او نه يې هم بل نیک عمل.

ماخذ: داسلامي مقالي

www.taleemulislam.net