تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د الله تعالی او رسول الله ﷺ سره د محبت اعمال
  تعلیم الاسلام ویب پاڼه
  April 12, 2018
  0

لیکنه: مولوي عنایت الله علمي / تعلیم الاسلام ویب پاڼه

 

که په دغه اوسني عصر کي د مسلمانانو زړونه په دغسي محبت سره ډک سي، داسي محبت چي دوى يو څه د شهواتو او انانيت څخه ليري کړي، داسي محبت چي د دوى پر شهواتو او خواهشاتو غالبه سي نو به څه پېښه سي؟ دغه اوسني مسلمانان به يو نوى مخلوق سي خپل شان او شوکت به د مرګ د خولې څخه را وباسي پرخپلو دښمنانو به کاميابه سي، که څه هم د دغه کار په مخ کي ډېر مشکلات او خنډونه وي پر هغو ټولو مشکلاتو به د دغه قلبي محبت په سبب کاميابه سي او که ته غواړې چي د دغسي محبت خاوند سې او و دغسي محبت ته لار پيدا کړې، نو فقط دغه را تلونکي څلور شيه عملي کړه زړه به دي د الله جل جلاله  او رسول الله صلی الله علیه وسلم  په صادقه محبت ډک سي.

 

اول: تر ټولو د مخه د الله جل جلاله  ټول عبادتونه د زړه په حضور او بېره سره کوه، کله ناکله والله جل جلاله   ته دعاء، عجز او زارۍ کوه. 

 

دوهم: د الله جل جلاله  ذکر او ياد ډېر کوه، همېشه (لا إلْه الا الله) او (سبحان الله) وايه، البته د دغو دوو کلمو معنْی ته به متوجه هم یې.

 

درېيم: پر رسول الله صلی الله علیه وسلم  ډېر درود وايه، د هغه صلی الله علیه وسلم  په سيرت، اخلاق او شمايلو کي فکر کوه او هغه صلی الله علیه وسلم د ځان پېشوا او معلم و ګرځوه. 

 

څلورم: د الله عزوجل په هغو نعمتو کي ډېر فکر کوه چي تا ته يې درکړي دي او هغه يادوه، د ټولو نعمتو نسبت و الله جل جلاله  ته کوه نه د ځان و پوهۍ او هوښیارۍ ته. 

 

ماخذ: د سرورِ کائنات صلی الله علیه وسلم ژوند

سرته