تازه سرليکونه
د (فکري پوهنه) نورې ليکنې
تازه سرليکونه
بېلابېلې ليکنې
د سیکولرزم معتقدات او فکري اساسات
  تعلیم الاسلام
  March 6, 2017
  0

ژباړه او اوډونه: اسد الله انعام / تعلیم الاسلام ویب پاڼه 2017-03-05 

 
 
-۶: د علمانيت یا سیکولرزم معتقدات:
 
الف: د الله تعالی د وجود څخه بيخی انکار کول، د ځيني علمانيانو او ملحدانو په نزد.
 
ب: د ځيني نورو په نزد الله تعالی سته، مګر د الله تعالی او د انسان د ژوند تر منځ د هر ډول اړيکو لرلو څخه انکار کوي.
 
ج: ژوند پر ساينس، اصولو، تجربو، او د عقل پر حاکميت باندي قائم بولي.
 
د: د روح او مادې تر منځ توپير او بېلوالی او د دوی په نزد ټول روحي خصوصيات سلبي دي.
 
هـ: د دين او سياست بېلوالی.
 
و: د ژوند ټول اړخونه يوازي او يوازي مادي دی، دغه الحادي نظريه د لومړي ځل له پاره (۱۷۶۶م) کي فري ميسن لاج وړاندي کړل.
 
ز: د ماکياولي اصول عملي کول، چي وايي: د مقاصدو د ترلاسه کولو په لاره کي عقيده او ديني بنديزونه بايد خنډ نه سي، يعني په سياست کي درواغ ويل، مکر چلول او دوکه بايد د سياست اصول وي، ځکه چي سياست په خپله درواغ، ټګي او چلول دی.
 
ح: په ټولنه کي بد اخلاقي، ګډوډي او د کورني نظام له منځه وړل، ځکه چي کورنۍ د ټولني جوړولو اساس دی، چي کورنی نه وي، نو مهذبه ټولنه به هم نه وي. (۲: ص: ۲۷۹)
 
۱-۷: د علمانيت (سیکولرزم) فکري او عقيدوي اساسات
 
د علمانيت(سیکولرزم) نظريه د اسلام سره په ټکر کي ده. ددې لپاره، چي دين او دين پرستي ختمه سي، لا ديني لهو او لعب يې ځای نيسي. (الفرد هوآيت هيو) يهودي وايي: «هيڅ داسي قضيه نه ده رامنځ ته سوې، چي په هغې کي د علم، عقل او دين تر منځ ټکر راغلی وي؛ مګر د علم او عقل پلو حق ته رسېدونکی او د دين پلو خطا او اشتباه وي.» د دغه يهودي پورتنۍ خبري هيڅ ډول د عقل، پوهي او دين سره توافق نه لري. 
 
ددغه يهودي د قول د ترديد لپاره د رسول اکرم صلی الله علیه وسلم قول له يوه صحابي رضی الله عنه څخه نقل دی، چي وايي:
«ما امر بشیء فقال العقل ليته نهی عنه ولانهی عن شیء فقال العقل ليته ما امر به.»
ژباړه: دين په يو شي امر نه دی کړی؛ مګر عقل د هغه غوښتونکی وي، چي منع سوی وای او نه يې د يو شي څخه منع کړې وي؛ مګر عقل د هغه غوښتونکی وي، چي عمل په سوی وای.
 
په همدې توګه د علمانيت (سیکولرزم) نظريه د آخرت څخه إنکار دی. د دوی دا يقين دی، چي انسان ته کوم وخت ورکړل سوی دی، هغه يوازي د دنيا ژوند دی.
 
--------------------
په تعلیم الاسلام ویب پاڼه کي لاندي مقالې هم لوستلای سی:
 
د علمانيت پېژندنه
علمانیت سیکولرزم Secularism
د علمانیت مفهوم او ورته کلمات
علمانيت د تاريخ په اوږدو کي
د سيکولريزم بنسټونه او فکري تګلاره
د سيکولر فکر لرونکو کسانو ډولونه

سرته