تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د حضرت عمر رضی الله عنه نصیحتونه
 
  April 16, 2016
  0

 رالېږونکې: ت. حمیدي/تعلیم الاسلام ویب پاڼه

 


د امیرالمومنین حضرت عمر بن خطاب (رضی الله عنه) نصیحتونه

۱: څوک چي ستا په باره کي د الله (جل جلا له) نافرماني وکړي ته هغه ته هغسي سزا نه سې ورکولای پرته له دې چي ته د هغه په اړه د الله (جل جلاله) اطاعت وکړې.
۲: د خپل ورور خبري یو ښه اړخ ته د بیولو پوره کوښښ کوہ...

۳: د مسلمان د ژبي څخه چي کومه خبره وتلې دہ د هغه څخه ښه  مطلب اخله د هغه سره د غلط مطلب گمان مه کوه.

۴: کوم سړی چي په خپله داسي کار کوي چي په هغه سرہ نورو ته د بدگمانۍ موقع لاس ته ورسي نو هغه دي پر ځان بدگماني کونکي نه ملامتوي.

۵: څوک چي خپل راز پټ ساتي اختیار به د هغه په لاس کي وي.

۶: له رښتنونو ورونو سرہ د اوسیدو پابندي کوي، د هغوی د نیکي په سیوري کي ژوند تیروی، ځکه چي په پراخۍ او ښو حالاتو کي به هغه ستاسي لپاره د ښایست ذریعه او په مصیبت کي به د حفاظت سامان وي.

۷: تل رښتیا وایه که څه هم په رشتیا وینا سره دي ساه وځي.

۸: په بې فایدې او بې کاره کارونو کي مه مشغولیږه.

۹: کومه خبره چي لا نه ده پیښه  سوې د هغه په باره کي پوښتنه مه کوه، ځکه چي کوم څه پیښ سوي دي د هغو ضرورتونو فرصیت له لاڅه وځي.

۱۰: خپل حاجت هغه چاته مه وړاندي کوه چي هغه دا نه غواړي چي ته په دې کي کامیاب سې.

۱۱: د درواغو قسم سپک مه گڼئ که نه تاسي به هلاک سی.

۱۲: له بدکارو سره مه اوسئ که نه تاسو به د هغوی څخه بدکاري زده کړی.

۱۳: د خپل دښمن څخه جلا اوسئ.

۱۴:له خپل دوست سره هم په احتیات کي اوسئ، خو که هغه امانتدار وي نو بیا ددې ضرورت نسته او امانتدار هغه کيدای سي چي د الله (جل جلاله) څخه بیریږي.

۱۵: هدیرې ته چي ولاړ سی نو خشوع اختیار کړئ.

۱۶: کله چي د الله (جل جلاله) د فرمانبرداری کار وکړی نو عاجزي اختیار کړئ.

۱۷: کله چي د الله (جل جلاله) نافرماني وسي نو د الله (جل جلاله) څخه پناه غواړئ.

۱۸: په خپلو ټولو کارونو کي د هغه خلگو سره مشوره کوئ چي د الله (جل جلاله) څخه بیریږي، ځکه چي الله (عزوجل) فرمایي: (إِنَّمَا يَخْشَى اللَّهَ مِنْ عِبَادِهِ الْعُلَمَاءُ) (سورت، فاطر،ایت،۲۸)

ژباړہ: حقيقت دادى چې د الله له بندګانو نه يوازې عالمان له هغه نه وېرېږي.
(اخراجه الخطیب و ابن عساکر و ابن النجار کذا فی الکنز (ج۸، ص۲۳۵).

ماخذ: حیات الصحابه (رضی الله عنهم) ۳ جلد، ص۵۵۴ او ۵۵.
مولف: مولانا محمد یوسف بن الیاس الکاندهلوي رحمه الله
-------------------------------------
 

سرته