شَرِکَةُ الَاعمَالِ
شرکة الاعمال هم د مفاوضې او هم د عنان په ډول کېدلاى سي ، شرکة الاعمال ته شرکة الابدان هم وايي .
مثال : زيد او بکر خياطان دي ، دوى د مفاوضې په نامه داسي شراکت وکړ چي په دوى دوو کي چي هر يو د خياطۍ کار ونيسي هغه به دواړه په برابر ډول کوي او هم به يې ګټه او تاوان په برابر ډول سره وړي او پدې کار کي به يو د بل کفيل هم وي دغه ته مفاوضه وايي .
شرکة الاعمال که دعنان په ډول وو هر شريک چي د خلکو څخه کار ونيسي هغه پر نورو شريکانو هم لازميږي .
مثال : که زيد او بکر په خياطي کي پدې ډول شريکان سي چي د خلکو څخه به د خياطۍ کارونه نيسي بيا به يې په ګډه ورکوي خو مزدورې يې دوې حصې د زيد او يوه حصه د بکر ده .
دلته که زيد د خالد څخه ټوکر د کالو د پاره واخلي خالد يې د رغولو مطالبه د بکر څخه هم کولاى سي او بکر نسي ورته ويلاى چي کالي ما نه دي در څخه اخيستي، دغه ډول بکر بيا د خالد څخه د کالو د مزدورۍ مطالبه کولاى سي خالد بيا هغه ته نسي ويلاى چي ما کالي تا ته د رغولو د پاره نه دي درکړي ، ځکه شرکة الاعمال که څه هم دعنان په ډول وي بيا هم هر شريک چي کار قبول کړي مُسْتَأْجِر يې د هغه بل شريک څخه هم د اجراء کولو مطالبه کولاى سي لکه څه ډول چي د مفاوضې په شراکت کي يې کولاى سي .
-----------------------------------------
مأخذ: فقه المبتدي، دريم ټوک - معاملات
مخکنۍ لیکنه: شَرِکَةُ الوُجُوهِ