تازه سرليکونه
د (خاتم النبيين ﷺ) نورې ليکنې
تازه سرليکونه
بېلابېلې ليکنې
څو پاته سوي سنتونه
 
  January 10, 2016
  0

رالېږونکی: مولوي محمود صاحب/تعلیم الاسلام ویب پاڼه

هسي خو ډیر اهم مبارک سنتونه او د رسول الله صلی الله علیه وسلم د مبارک ژوند اهداف او لارښووني د امت څخه پاته دي که څه هم اوس هم داسي وفاداره امتیان سته چي د ټولو سنتو د عملي کولو توفیق لري خو بیا هم ځیني سنتونه چي عموماً ترک ښکاري په لاندي ډول دي چي باید ژوندي سي:


صحابه کرامو رضي الله عنهم مسنون وه ټول عملي کول ځکه هغوی ویل چي دا خو " سنت " دي، 

  • او موږ يې په دې پرېږدو چي دا خو صرف " سنت " دي! (استغفرالله!)
  • په اذان کي به مؤذن د کلماتو پرلپسي والي کاوه او سامع به هغه شان کلیمات ویل.
  •  شپې شروع په دوه رکعته لمانځه سره کول.
  • خوراک په درو ګوتو کول.
  • په تاسو کي دي څوک په ولاړه اوبه نه چیښي.
  • اوبه په درو ساه چیښل
  • په اوداسه سره بیدیدل.
  • د مسلمان ورور زیارت د الله جل جلاله د رضا له پاره کول.
  • د کورنو په کارونو کي د خپلي کورنۍ سره مرسته کول.
  • سپین ورېښته ته په رنګ سره تغیر ورکول بیله تور رنګه.
  • د نارینه له پاره سپیني جامې اغوستل.
  • د ملاقات په وخت کي روغبړ کول.
  • لویدلې ګوله را پورته کول کوم خاشاک یا خاوره چي وي هغه ځیني لیري کول، پاکول او خوړل.
  • پر راسته اړخ خوب کول.
  • د مریض پوښتنه کول.
  • نوږي والا ته چي الحمدالله ونه وايي، یرحمک الله مه وایاست.
  • د شرموښکۍ وژل (ځکه خلګو ته ډول ډول ضرر رسوي او د پخوا څخه یو مضر حیوان دی).
  • د لاري څخه د ضرري شي لیري کول.
  • په اوبو کي نه پوکل.
  • د امت مشکلات په اجتماعي روحیه د حلولو کوښښ کول
  • نکاح په مسجد کي کول
  • د خلګو اړتیاوي پوره کول
  • د قهر زغمل
  • وصیت لیکل 
  • د جمعې لمانځه ته وختي تلل
  • د ظلم مخنیوی کول
  • همسایه ته طعام استول
  • تلاوت، اذکار او دعاګاني کول
  • پر مسلمان ښه ګمان کول 
  • د مسلمان دفاع کول
او داسي نور.........
 
دا سنت باید عملي کړو او تر نورو مؤمنانو يې ورسو ترڅو د رسول الله صلی الله علیه وسلم مبارک سنتونه ژوندي کول زموږ وظیفه وګرځي. 

رسول الله صلی الله علیه وسلم فرمایلي دي:

ژباړه: که څوک زما یو سنتو څخه یو سنت را ژوندی کړي چي هغه زما څخه وروسته پاته سوې وي (څوک يې نه عملي کوي) نو یقیناً ده لره دومره ثواب ورکول کیږي څومره کسان چي په دې باندي عمل کوي بېله دې چي د دوی په ثوابونو کي کمي راولي. او که څوک د ګمراهۍ بدعت جوړ کړي کوم چي الله او د الله رسول یې خوښ نه لري نو پر ده د دومره کسانو ګناهونه راځي څومره کسان چي عمل پري کوي. کومه ګناه چي ده لره ورکول کیږي د هغه نور کسانو په ګناه کي کمي نه رواولي.  رواه الترمذي و رواه ابن ماجه
 

سرته