تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د گناهونو د مغفرت او بخښني اسباب ۴
  تعلیم الاسلام
  September 13, 2015
  0

 د گناهونو د مغفرت او بخښل کېدو اسباب (۴) او وروستۍ برخه

بسم الله الرحمن الرحيم

نحمده ونصلي علی رسوله الکريم اما بعد :
 
۷: دُعاگاني کول
دُعاء د گناهونو د مغفرت لپاره يو ستر لامل دی چي انسان ئې د خپلو گناهونو د بخښني لپاره له الله پاک څخه غواړي.
 
په ځانگړې توگه په هغو  وختونو کي  چي دُعاء پکي قبلېږي، لکه  د شپې په منځ کي، د جمعې  د ورځي په آخري ساعت کي، د آذان  او اقامت  تر منځ  او داسي نور ځايونه ...
 
همداراز  د مومنانو خپلمنځي دُعاگاني چي دوی ئې يوه او بل ته کوي، د دغسي دُعاگانو د ژر قبلېدلو اميد هم زيات شته او گناوي هم پرې بخښل کېږي.
 
۸ : د مرگ په وخت کي او  ترې وروسته تکليفونه :
د قبر وارخطايي او تنگېدل، همداراز د زنکدن سختي ، د قيامت  د ورځي سختي ، گرمي ، پرېشاني  او نورو تکاليفو سره  هم الله پاک مسلمانانو ته بخښنه کوي.
 
ددې دا مطلب وي چي گناهگار مسلمان ته د ده د گناهونو سزا ورکول کېږي، نو الله پاک يې ددغو تکليفونو په تېرولو بخښي چي دومره سزا بس ده.
 
۹: د نبي کریم ﷺ شفاعت
 
دا هم  د مغفرت  يو ستر او عُمده لامل دی.
 
له حضرت انس رضی الله عنه څخه روايت دی چي رسول الله صلی الله عليه وسلم وفرمايل : شفاعتي لاهل الکبائرمن امتي. (رواه الترمذي ص:۷۰ج:۲ وابوداود و رواه ابن ماجة عن جابر مشکوة المصابيح ص:۴۹۴ج:۲)
ژباړه : زما شفاعت زما له امت څخه  د لويو گناهونو د خاوندانو لپاره دی.
 
عن عوف بن مالك الأشجعي قال : قال رسول الله صلى الله عليه و سلم أتاني آت من عند ربي فخيرني بين أن يدخل نصف أمتي الجنة و بين الشفاعة فاخترت الشفاعة وهي لمن مات لا يشرك بالله شيئا. (رواه الترمذي ص : ۷۰ج : ۲ و ابن ماجةمشکوة المصابيح ص : ۴۹۴ج : ۲)
 
له حضرت عوف بن مالک رضی الله عنه څخه روايت دی چي رسول الله صلی الله عليه وسلم وفرمايل : ما ته زما د رب له لوري يو راتلونکی راغی، ما ته يې زما د نيم امت جنت ته  د داخلېدو او شفاعت تر منځ اختيار راکړ؟ ( يعني په دې دوو کارو کي کوم يو خوښوې؟) نو ما شفاعت خوښ کړ او دا شفاعت  د هغه چا لپاره دی چي څوک په داسي حال کي مړ شي چي  د الله پاک سره شرک نه کوي!!
 
شفاعت يې په دې خوښ کړ چي دا ډېرعام دی . همداراز شفاعت  د نورو نېکانو خلگو هم  يو سبب دی.
 
۱۰: د الله پاک رحمت
 د بنده گناوي که  هر څومره زياتي  او ستري وي  خو بيا هم  د الله پاک رحمت ترې پراخ او ستر دی.
دا د مغفرت  تر ټولو ستر لامل دی.
 
 د مغفرت  د اسبابو په حاصلولو کي  ډېر کوښښ اړين دی، مخکي له دې چي دا موقع مو له لاسه  ووزي. (تلک عشرة کاملة)
 
و صلی الله علی نبينا محمد و علی آله  و اصحابه اجمعين
ليکوال :  مولوي عصمت الله عزام
نوري برخي: د مغفرت اسباب
 

سرته