تازه سرليکونه
د (صحابه کرام) نورې ليکنې
تازه سرليکونه
بېلابېلې ليکنې
د فردوس خاوندان
 
  August 2, 2015
  0

لیکنه: نوید احمد

عدي بن عمیره رضي الله عنه چي یو مشهور صحابي دی او کنیت یې ابو زراره دی. دده مبارک د اسلام راوړلو واقعه نوموړي داسي بیان کړې ده:


 زموږ په منطقه کي د یهودو یوه عالم وو چي ابن شهلاء نومېدی هغه وما ته وویل:

 " زه د الله په کتاب تورات کي دا خبره وینم چي د فردوس خاوندان هغه قوم دی چي د خپل رب عبادت پر مخونو کوي. والله! چي دغه صفت صرف زموږ په یهودو کي شتون لري او د دوی یو نبي به د یمن څخه وي، نو زه وینم چي دغه (نبي) به صرف زموږ څخه مبعوث کیږي."

حضرت عدي بن عمیره رضي الله عنه فرمایي: په الله قسم چي سمدستي موږ ته خبر راغلی چي د عربو د بني هاشم د کورنۍ څخه یوه نفر ته وحي کیږي نو ما ته د ابن شهلاء یهودي عالم هغه خبره را یاد سوه، نو زه هم (رسول الله صلی الله علیه وسلم) ته ورغلم نو ومي لیدل چي دی مبارک او دده سره ملګرو پر مخونو سجده کول.
 
 
 
ماخذ: تکملة فتح الملهم بشرح صحیح مسلم
 

سرته