تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د خیر او شر کیلۍ
 
  February 2, 2015
  0
ژباړه: شبيراحمد

د خير کيلياني:
 
د لمانځه کيلۍ: پاکي. 
د حج کيلۍ: احرام. 
د جنت کيلۍ: توحيد. 
د نېکۍ کيلۍ: رښتيا. 
د علم کيلۍ: ښه سوال او ښه غوږ نيول. 
د برياليتوب او کاميابۍ کيلۍ: صبر. 
د خلاصون کيلۍ: تقوا. 
د زياتوب کيلۍ: شکر. 
آخرت ته د رغبت کيلۍ: په دنيا کي زهد. 
د اجابت کيلۍ: دعاء. 
د ايمان کيلۍ: د الله  جل جلاله  په نښو او مخلوقاتو کي فکر کول. 
د زړه د ژوند کيلۍ: په قرآن کريم کي فکر کول، د سهار په وخت کي الله  جل جلاله  ته زاري او عاجزي کول او د ګناهونو پرېښوول. 
د رزق کيلۍ: د استغفار او تقوا سره کوښښ کول. 
د عزت کيلۍ: د الله  جل جلاله  او د رسول الله  صلی الله علیه وسلم  اطاعت. 
آخرت ته د چمتو کېدو کيلۍ: لږ امېدونه لرل. 
د هر خير کيلۍ: الله  جل جلاله  او آخرت ته رغبت. 
د رحمت کيلۍ: د الله  جل جلاله  په عبادت کي ښه والي او مخلوق ته په ګټه رسولو کي کوښښ کول. 

د شر کيلياني: 
د هر ګناه کيلۍ: شراب، ځکه شراب ام الخبائث (د ګناهونو مور) ده. 
د زنا کيلۍ: سروز  او د هغه اورېدل او بې ستري او نامحرمو ته کتل.
د ناامېدۍ او محرومه کېدو کيلۍ: لټي (ټنبلي) او د راحت خوښول. 
د نفاق کيلۍ: درواغ. 

د بخل او د صله رحمۍ پرېکولو کيلۍ: بخل او حرص کول. 

د هر بدعت او ګمراهۍ کيلۍ: د هر هغه څه څخه مخه اړول چي رسول الله  صلی الله علیه وسلم  فرمايلي وي. 

هغه کس لره دي خوشحالي وي، چي هغه د خير کيلۍ او د شر قلف وي، او هغه کس لره دي هلاکت وي، چي  هغه د شر کيلۍ او د خير قلف وي. 

يا الله  جل جلاله ! موږ او ټول مسلمانان د خير د کيليو څخه وګرځوې. (آمين)

و بالله التوفيق
 

سرته