حضرت انس رض فرمایي: ما لس کاله د نبيﷺ خدمت وکړی، ما ته يې پر هیڅ خبره اف لا هم نه دي ویلي او نه يې د یوه کار پر کولو دا راته ویلي دي چي ولي دي وکړئ؟ او نه يې د یو کار پر پرېښولو راته ویلي دي چي ولي دي ونه کړئ؟ او رسول الله ﷺ په اخلاقو کي د ټولي دنیا تر انسانانو بهتر وو، ما هیڅکله یوه ورېښمین ټوکر یا خالص ورېښم او کوم بل نرم شی نه دی مسه کړی چي د رسول الله ﷺ تر مبارک ورغوي دي ډېر نرم وي، او ما هیڅکله کوم مشک یا کوم عطر د نبيﷺ تر خولو ډېر خوشبویه نه دي بوی کړي. رواه الترمذي