تازه سرليکونه
د (ستاسو ليکنې) نورې ليکنې
تازه سرليکونه
بېلابېلې ليکنې
آيا انسان ازاد دئ؟
  تعلیم الاسلام ویب پاڼه
  April 28, 2012
  0
ليکوال:  احسان الربي انفال    
 
انسان چي اشرف المخلوقات بلل کيږي نو ورسره الله پوره پوره ازادي ورکړي، ټول مخلوقات يې دده په تصرف کي راوستلي لارښونه يې ورته کړې، حق او با طل يې ورته روښانه کړی او بيا يې د هغوى د غوره کولو پوره ازادې ورکړې، چې حق غوره کوي اوکه باطل انتخابوي، الله جل جلاله فرمايي: إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا. (سورة الدهر ٣ آيت)
 
ژباړه: بېشکه موږ دغه (انسان) ته (د رسولانو په لېږولو او په عقلي دلائلو) سمه لاره وښودل چي يا به دی شکر کونکی وي او یا به ناشکره وي.
 
خودا ازادي په دې معنى نه ده چي هغه څوک چي حق مني، د الله پر وحدانيت، د الله پر ملائيکو، کتابونو، رسولانو او د اخرت پر ورځ ايمان لرې، د الله   قوانين پر ځان عملي کوي او هغه څوک چې د باطلو پيروي کوي او د حق پر ضد هر ډول وسايل پر کار اچوي، دواړه يو ډول دي. دا ازادي په دې معنې نه ده چې د مؤمن اوکافر تر منځ فرق نسته او نه دا په دې معنی ده چي د حق او باطل تر منځ توپير يو دئ بلکي دا ټول یو د بل تر منځ تضاد لري او د دوی عوض هم يو د بل متضاد دئ یعني مؤمن ته الله انعام ورکوي اوکافر ته سزا، الله فرمايې: إِنَّا أَعْتَدْنَا لِلْكَافِرِينَ سَلَاسِلَا وَأَغْلَالًا وَسَعِيرًا. (الدهر٤ آيت)
  ژباړه: او بېشکه چئ موږ د کافرانو لپاره ځنځيرونه، طوقونه او گرم اور تيار کړى دی.
 
او د مؤمن په اړه الله فرمايي: إِنَّ الْأَبْرَارَ يَشْرَبُونَ مِنْ كَأْسٍ كَانَ مِزَاجُهَا كَافُورًا. عَيْنًا يَشْرَبُ بِهَا عِبَادُ اللَّهِ يُفَجِّرُونَهَا تَفْجِيرًا (الدهر ٥-٦ اياتونه)
 
ژباړه: بېشکه نیکان به (په جنت کي) د شرابو جامونه چيښي چي د هغو سره کافور ګډ دي. (دا يوه) چينه ده چي د الله نیک بنده ګان به يې ځني چيښي، (او په خپله خوښه به يې) پر هر لوري بیايي. 
 
دسورته الدهر په ٢٠ او ٢١ آياتوکې راځې:  وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا (20) عَالِيَهُمْ ثِيَابُ سُنْدُسٍ خُضْرٌ وَإِسْتَبْرَقٌ وَحُلُّوا أَسَاوِرَ مِنْ فِضَّةٍ وَسَقَاهُمْ رَبُّهُمْ شَرَابًا طَهُورًا (سورة الدهر ٢٠ ٢١ آيت)
 
ژباړه:- او هر کله چي ته (دا جنت ته) وګورې نو نعمتونه او لويه پاچايي به ووينې. او د دوی پر (تن) به د نريو او غټو ورېښمو کالي وي او (دوی ته) به د سپين زرو باهوګان (بنګړي) ور واغوستل سي. او د دوی رب به (په جنتیانو) د طهور شراب وچيښي.
 
داسي زيات شمېر آياتونه الله نازل کړي چي د مؤمن لپاره د انعام او د کافر لپاره د عذاب يادونه پکښي سوې ده. دا انعامونه او عذابونه الله انسانانو ته د حق او باطل په مقابل کي ټاکلي اوبيا يې د هغوی څخه مجبوريت ايسته کړئ او خپلي خوښي ته يې خوشي کړي دي ترڅو وازمايل سي چي څوک ايمان راوړي او د اسلام په سپېځلي دين کي شامل سي نو بيا هغه مکلف دئ چي د اسلام د مقدس دين قوانين او احکام پر ځان عملي کړي چي دا قوانين د حق او باطل تر منځ پولي ټاکي، انسانيت او حيوانيت سره جلا کوي، خوښۍ او خوشحالۍ ته بلنه ورکوي، او د وحشت او بربریت څخه کرکه او نفرت اعلانوی او مؤمن کولاى سي چي د اسلام په مقدسه دايره کي په خوښۍ او ازادۍ سره ژوند وکړي چي دا ازادي بايد د اسلام د قوانينو سره برابره وي يعني انسان بيا نه سي کولای چي د ځان جوړ کړي قوانينو پر مطابق واوسي بلکي مکلف دئ چي د الهي قوانينو سره سم چې فطرت يې غوښتنه کوي ژوند وکړي او د الله احکام ټول پر ځان عملي او د اسلام و هر قانون ته غاړه کښېږدي، الله فرمايې:...أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ (البقرة ٨٥ آيت )
 
 ژباړه: نو ایا تاسي د کتاب په بعضي (احکامو) ایمان راوړئ او په ځينو نورو کافران کيږي؟ پس نو د هغو خلكو جزا چي دا وړ کارونه کوي پر ته له دې بل څه نه ده چي په دينوي ژوند کي به د رسوايې سره مخ او د قيامت په ورځ به خورا سخت عذاب ته ورګرځول کيږي او الله پاک ستاسي د کړونو څخه نا خبره نه دئ. 
 
په بل آيت شریف کې راځې : يَا أَيُّهَا الَّذِينَ آمَنُوا ادْخُلُوا فِي السِّلْمِ كَافَّةً وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ (البقرة ٢٠٨ آيت ) ژباړه: ای مؤمنانو! په اسلام کې په بشپړ ډول ننوځئ او د شيطان پر پلونو مه ځئ بېشکه چي شيطان ستاسي ښکاره دښمن دی.
 
يادونه: د انسان د اشرف المخلوقات بللو په اړه فتاوی قاسميه وگورئ.
 

سرته