تازه سرليکونه
د (ستاسو ليکنې) نورې ليکنې
تازه سرليکونه
بېلابېلې ليکنې
هر سړى د ملګرتيا وړتيا نه لري
 
  January 29, 2012
  0

حاجي عبدالحميد ارغندابي

رالېږونکی: عزيز الله عزيزي

د خلګو پېژندنه خوګران کاردئ، هر چاته ځان نژدې کول دا معني نه لري چي هر سړى ورته په اخلاص سره د خپل زړه پټ رازونه ووايي يا ورسره د زړه خواله وکړي لمړى د خلکو د شخصيت پېژندنه اود هغوئ د نظر او عمل ترمنځ د توپير د څرنګوالي څيړنه يو ضروري کار دئ که چيري د ژوندانه په ډګر کي دغه اصل ته توجه ونه سي نو ناوړه پايلي به له ځان سره ولري، زما په عقيده ځان ته د يو صميمي ملګري انتخاب خورا د فهم وړ کار دئ، ځکه هر څوک د ملګرتيا وړتيا نه لري ملګري بايد د غوره اخلاقي مميزاتو خاوند مخلص او وفادار سړى وي هغه بايد خپل ملګري د ناچيزو مادياتو په بدل کي ونه پلوري هغه څوک چي ستا په غم غمجن او په خوشحالي دي د خوښئ احساس ولري او د ژوندانه په هرډول ناوړه شرايطو کي ستا يار او مدد ګار سي د الله جله جلاله څخه ووېرېږي او د خپل ولس د نيکمرغئ خيال يې د زړه ارمان وي او د ليوه غوندي د خپلو وطنوالو غوښي نه خوري څرنګه چي وي ځان نورو ته وښي د تنوير او غولوني جامي يې په تن کي نه وي د هر ډول ناوړه شرايطو سره ځان عيارول جنايت او يو لوئ حماقت دئ.

هغه انسان چي د ژوندانه د ناخوالو سره مقابله او مبارزه کوي په متانت اوصداقت ځان د برياليتوب پړاو ته رسوي. د ښه خوئ او حسنه اخلاقو خاوند وي کيداى سي تريوې اندازې پوري د يو چا د ملګرتيا وړتيا ترلاسه کړي کوم څوک چي د نورو سره د مطلب د حصول پربنياد راشه درشه کوي دا سړى د ملګرتيا وړتيا نه لري د داسي سړي سره مطلق احتياط ته ډېرضرورت احساس کيږي د لزوم په صورت کي د هغه د ناوړه هدف د تحقیق څخه وړاندي د هغه سره د اړيکو پرېکول په کار دي، ځکه دا يوچالاک خلک دي چي د هغوي ملګرتيا د دوئ په شوم هدف کي نغښتې ده ترهغه پوري ستا سره غاړه غړوي ترڅو ستا په مرسته وکولاى سي د ولس ويني وزبېښي او د هغوئ د بدمرغيو امکانات راغونډوي د مطلب د يارانو سره د صميمي ملګرتيا هيله يو پوچ خيال اود اوبو پرمخ يو بي ثباته کرښي دي ځکه نو خلک تجربه کړئ او وګورئ ، هغه وپېژنئ او بيا ورسره د ورورولئ لاسونه ورکړئ په دې حال کي چي ستاسي له خوا پېژندنه او ازموينه بريالي وي. 

سرته