تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د دین حفاظت
  تعلیم الاسلام ویب پاڼه
  January 26, 2020
  0

لیکنه: محمد ابدالي

 

د نیکو خلکو او د دین د عالمانو سره مجلس او ناسته ولاړه د دین د حفاظت او ساتني لپاره اړین دئ، ددغو خلکو په بیلتون او نفرت کي د دین ژغورنه او حفاظت مشکل کار دئ.


په ریښتنې توګه د اسلام حفاظت:
د کوم کار له کبله چي الله جل جلاله راضي او خوښ نسي نو هغه کار ته د مسلمان کار نه ویل کیږي، نو که موږ د مسلمانانو د وطن د ترقۍ لپاره کار کوو هغه باید په داسي ډول وي چي د شریعت او د دین ساتنه پکښې وي که نه نو فرعون، نمرود او قارون خو هم ترقي کړې وه مګر څنګه چي هغوی د الله جل جلاله تر حدودو تجاوز کړی وو ځکه یې انجام خراب او نوم یې بدنام سو.


د دین خدمت:
د دین خادمان پیدا کول او ددین د ژغورني لپاره خلک روزل د دین ډیر لوی خدمت دئ کوم چي د دیني مدرسو له خوا ترسره کیږي، نو د دیني مدرسو حفاظت، پرمختګ او بریالیتوب د دین حفاظت او بریالیتوب دئ چي دا پر هر مسلمان لازم دئ.


دین مشترکه سرمایه ده:
دین یوازي د طالب العلمانو او علماؤ نه دئ بلکي دا یوه مشترکه سرمایه ده، باید ټول مسلمانان ئې د حفاظت او خپراوي لپاره ځان مسؤل وګڼي.


د دین د خدمت لپاره خلک وقف کول:
د دین د خدمت لپاره خپل ټول اولادونه وقف کړئ، که ټول نه وقف کوئ اقلاً دوه اولادونه د دین د خدمت لپاره وقف کړئ، په اولادونو علم کول او د هغوئ د دین په لاره کي مصرفول لازم کار دئ.


کوم اولادونه چي موږ د دین د خدمت لپاره وقف کوو، په هغوی علم کوو، تر علم زده کولو وروسته د ټولني رهنمایان ځني جوړیږي چي بیا به همدا رهنمایان د ټولني ژوند ګرځي.


ژوندۍ ټولنه:
هغه ټولنه به ژوندۍ وي چي تکړه علماء پکښې وي، همدا علماء د ټولني رهنمایان دي او همدوی د ټولني ژوند دئ.


مسلمانان باید په خپله د دین حفاظت وکړي:
که مسلمانان د دین حفاظت ونه کړي نو یهود او نصارا خو به ئې هیڅکله د حفاظت لپاره رانه سي بلکي هغوی د دین له تخریب څخه ماسوا بل هیڅ هدف نه لري.    

 

سرته